ZERBITZUAK
garatzen ditugun modalitateak
Hipoterapia:
Fisioterapia pediatrikoaren eta fisioterapia neurologikoaren esku-hartze osagarria da. Zaldi gainean burutzen da, fisioterapia edo terapia okupazionala esparruko profesionalek eta zaldien kudeaketan esperientzia duten profesionalek zuzenduta. Terapeuta pazientea zaldi gainean behar bezala kokatzeaz/jartzeaz eta zaldiaren mugimenduaren erantzuna aztertzeaz arduratzen da, helburu espezifikoak lortzeko.
Pazientea bakarrik edo terapeutarekin batera (twin ride) ibili daiteke, jarrera-kontrol nahikorik ez badu.
Hipoterapiaren printzipio terapeutiko garrantzitsuenak arlo motorrean hauek dira: bulkada erritmikoen transmisioa eta gizaki-martxaren eredu fisiologikoaren antzeko lokomozio-patroi baten transmisioa.
Horrez gain, ariketa desberdinak egiten dira, zaldiaren mugimenduarekin batera, alderdi psikomotorrak, psikologikoak, emozionalak eta sentsorialak lantzea ahalbidetzen dutenak, sortzen diren behar partikularren arabera.
Zaldiarekin eta terapia garatzen den ingurune naturalarekin ezartzen den lotura arlo guztietan errehabilitazioa errazten duten elementu motibatzaileak dira, baita terapiaren parte-hartzea eta atxikimendua ere.
- IHelburu terapeutikoa / Lana zaldi gainean / Banakakoa.
ZALDIKETA TERAPEUTIKOA:
Profesional-taldeak zaldien, zaldiketaren eta haien ingurunearekin erlazionatutako ezagutzak aprobetxatzen ditu, paziente bakoitzaren behar indibidualen araberako terapia programa diseinatzeko.
Prestaketa fasean (eskuilatu, garbiketa, etab.) edo zaldi gainean ibiltzeko fasean ekintzaren bat egiteko autonomia nahikoa duten pertsonei zuzenduta dago. Terapeutak kasu bakoitzean beharrezko laguntza edo argibideak emango ditu, baina ez da zaldi gainean igoko.
Saioek helburu terapeutikoa dute eta jardun-eremua oso zabala da: arlo kognitiboa, emozionala, soziala, fisikoa eta motorra.
Berriz ere, zaldiarekin ezartzen den lotura afektiboak eta inguruneak elementu motibatzaile gisa funtzionatzen dute eta prozesu terapeutikoaren gakoa dira.
Saioak banaka edo talde txikietan (2-3 pertsona) garatu daitezke.
- IHelburu terapeutikoa / Zaldi gainean eta/edo prestaketa / Banakakoa edo taldekoa.
ZALDIKETA EGOKITUA:
Zaldiei eta zaldiketari buruzko ezagutzak berenganatzeko beharrezkoak diren baliabide material eta pertsonal guztiak aniztasun funtzionala duen zaldizko edo amazonaren eskura jartzean datza. Jarduera ludikoa da, praktikatzen dutenen egoera fisikoa eta emozionala hobetzea helburua daukana.
Lortu nahi den helburu nagusia zaldi-ingurunean zaldizkoaren edo amazonaren autonomia indartzea/sendotzea da: zaldia oinez eraman ahal izatea; zaldia garbitzea; zaldia materialarekin prestatu eta gero kendu saioaren amaieran; zaldira igotzea, zalditik jaistea; zaldia zuzendu eta kontrolatu ariketak garatzen diren bitartean; “aire” ezberdinetan lan egin (ibilaldia, trosta, arrapalada); naturarekin kontaktuan paseatzea, etab.
Bi egokitzapen mota daude: materialak edo pertsonalak. Batzuk zein besteak noizean behin edo modu iraunkorrean erabil daitezke, zaldizkoaren edo amazonaren beharren eta aurrerapenaren arabera.
- IAisialdia / Zaldi gainean eta/edo prestaketa / Banakakoa edo taldekoa.
BESTE ZERBITZU BATZUK
FAMILIA-JARDUERA:
Familian aktibitate bat egiteko eta ingurune natural batean elkarrekin denbora pasatzeko alternatiba bat bilatzen duten familiei zuzendutako tailerrak dira. Metatutako estresa askatzeko eta eguneroko errutinatik ihes egiteko modu bat bilatzen duten familientzako.
Tailer hauetan “animalien ongizatea” kontzeptua lantzen da. Familiaren nahiak eta beharrak kontuan hartuta, zaldien ongizatera bideratutako jarduerak proposatzen dira: zaldi-taldea ezagutu, zaldien bizimodua ezagutu, zaldiak garbitu, zaldiak garbitu eta prestatu, zaldiak paseatu, etab.
Jarduerak helburu terapeutikoa izan dezake edo helburu ludikoagoa izan dezake, baina, nolanahi ere, helburu nagusia denbora atsegina pasatzea da, ingurune zoragarri batean.
TALDE JARDUERAK:
Taldekako jarduerak ikastetxeetarako, ikasgela egonkorretarako, elkarteetarako…
Esku-hartze ludikoak dira. Animaliekiko eta naturarekiko errespetua sustatzea dute helburu, baita, aniztasun funtzionala duten pertsonen integrazioa eta sentsibilizazioa sustatzea ere.
Honako jarduera hauek egingo dira: zaldi-taldea ezagutu, zaldien bizimodua ezagutu, zaldiak garbitu, zaldiak garbitu eta prestatu, zaldiak paseatu, mantentze-lan errazetan eta instalazioen garbiketan lankidetza, etab.
Esku-hartzea taldearen ezaugarrietara egokituko da (erabiltzaileen adinera, parte-hartzaile kopurura, jardueraren iraupenera, etab.)
Jar zaitez gurekin harremanetan kasu bakoitza aztertzeko.
FISIOTERAPIA:
Eskuzko terapia saioak, fisioterapia pediatrikoa, etab.
Jar zaitez gurekin harremanetan informazio gehiago lortzeko.